Helgin búin

Þetta er búin að vera ágætis helgi, fórum til Reykjavíkur á laugardag til að versla og náðum að klára næstum allar gjafirnar, nú er bara eftir að kaupa matinn og þá er allt á réttri leið.  Jónas minn er búinn að vera afskaplega þolinmóður í verslunarleiðöngrum (honum finnst ekki gaman í búðum).

Á sunnudag vorum við heima að pakka inn og dúllast saman, nema Jónas, hann þurfti að skreppa í vinnuna í smástund.  Eftir kvöldmat fór ég í það að baða og svæfa og allt það, Jónas var alveg frábær og þreif alla neðri hæðina og kláraði að bóna borðstofuna, eldhúsið og ganginn (hann var búinn með stofuna), hann er algjört æði. 

Af mér er annars bara það að frétta að ég er enn reyklaus, komnar 2 vikur.

Birgir litli er með mikilmennskubrjálæði þessa dagana og stendur upp við öll húsgögn og veggi (svo dettur hann auðvitað á hausinn) ekki nema 7 mánaða.

Stefanía er bara prinsessa og hlakkar til jólanna.

Bjarni minn er allur að koma til og virðist vera að létta aðeins yfir honm eftir áfallið í sumar, hann er allavega farinn að geta talað aðeins við mig um þetta allt, hann er svo mikið músarhjarta.

En þetta er ágætt í bili, meira seinna.

Skjáumst

Júllan

Athugasemdir

[Guðrún E frænka (IP-tala skráð) 10.12.2007 kl. 12:27]

Þið eruð svo dugleg!

Er sko búin að vera að bíða eftir færslu (eins og ég hafi ekkert annað að gera...).

Við heyrumst kannski við tækifæri...fyrir jólin  það væri voða gaman!

Bestu kveðjur til ykkar, Guðrún og rest!

[Bergdís Rósantsdóttir, 10.12.2007 kl. 17:36]

Til hamingju með reykleysið.  Alveg frábært hjá þér.

 knús og kram