Jæja, laugardagur búinn

Ég er búin að vera þrusu dugleg í dag og baka og þrífa alveg villt og galið, svo setti ég seríur í nokkra glugga og aðventuljós í eldhúsið. Jónas lagaði þvottavélina og þreif allt á bak við hana í leiðinni, nú mega jólin alveg að fara að koma, bara eftir að kaupa smá af jólagjöfum. Bjarni minn er hérna hjá mér að skipta sér af stafsetningunni, hann ætti bara að skoða sína eigin fyrst .  Hann er að farast úr gelgju og fussar og sveiar yfir öllum sköpuðum hlutum, nú er hann fúll og vill ekki vera vinur minn af því að ég er að segja frá þessu, hann skiptir um skoðun þegar ég sýni honum nammið mitt (ummmmm nóa kropp). Hann er svo mikill apaköttur, en svo sætur og krúttlegur apaköttur.

En nú ætla ég að fara að horfa á vídjó.

Skjáumst

Kv. Júllan

Athugasemdir

[Marta smarta, 2.12.2007 kl. 13:08]

Knúsaðu litla sæta krúttlega apaköttinn frá ömmu.  Það er eins gott að ekki finnist margar stafsetningarvillur hjá þér, og/eða málvillur.  Þú færð sko að heyra það þá.   Knús og kossar grísirnir mínir.

Hvernig gengur með Birgi Örn sem stendur upp þó hann sé ungabarn í mínum augum, er hann heill á húfi ennþá, ætti ég kannski að kaupa hjálm, til öryggis. Hmm