Gubbupest

OJ BARASTA !!!!!!!!!

Nú er ég búin að liggja síðan í nótt í gubbupest og líður eins og blautri skítugri tusku hafi verið slengt framan í mig. Er samt eitthvað að braggast, hef allavega ekki ælt síðan í morgun.  Ég fer í klippingu á morgun og verð ekkert smá fegin að losna við allt þetta hár (svo heitt og þungt).

Birgir minn er nú meira montprikið, ekki nema 7 mánaða og farinn að skríða og meira að segja stóð upp við göngugrindina sína í gær (datt eftir 5 sek), hann verður algjör skaðvaldur um jólin, við hjónin vorum að plana hvernig við getum bundið jólatréð við vegginn svo að hann steypi því ekki yfir sig (erum búin að finna leið). Annars verður hann undir strangri gæslu meðan jólaskrautið er til staðar, hann er afskaplega virkur í að taka til.

En nú ætla ég að fara að sofa, er enn frekar slöpp.

Skjáumst

Kv. Júllan

Jæja, laugardagur búinn

Ég er búin að vera þrusu dugleg í dag og baka og þrífa alveg villt og galið, svo setti ég seríur í nokkra glugga og aðventuljós í eldhúsið. Jónas lagaði þvottavélina og þreif allt á bak við hana í leiðinni, nú mega jólin alveg að fara að koma, bara eftir að kaupa smá af jólagjöfum. Bjarni minn er hérna hjá mér að skipta sér af stafsetningunni, hann ætti bara að skoða sína eigin fyrst .  Hann er að farast úr gelgju og fussar og sveiar yfir öllum sköpuðum hlutum, nú er hann fúll og vill ekki vera vinur minn af því að ég er að segja frá þessu, hann skiptir um skoðun þegar ég sýni honum nammið mitt (ummmmm nóa kropp). Hann er svo mikill apaköttur, en svo sætur og krúttlegur apaköttur.

En nú ætla ég að fara að horfa á vídjó.

Skjáumst

Kv. Júllan

aha einmitt

Ef þeim líður betur að halda þetta, þá mega þeir það mín vegna.

Fótspor snjómannsins ógurlega?

Förum varlega

Nú hef ég séð í fréttum 3 tilfelli þar sem ekið hefur verið á fólk, það er spurning um hverju má breyta til að svona gerist ekki oftar. Ætli endurskinsmerki gætu ekki bjargað miklu?

Reynum að fara varlegar og munum að stilla hraðanum í hóf, nú eru að koma jól og enginn vill eyða þeim á sjúkrahúsi.

Varð fyrir bíl á Lækjargötu

Fífladjók....

Ætli einhver hafi kallað hana hálfvita 

Kona með hálfan heila lifir eðlilegu lífi

Hummmm

Ég veit ekki.  Kallinn minn er nú afskaplega duglegur við húsverkin og vinnur alveg jafn mikið og ég, hann tekur jafnan þátt í öllum heimilisstörfum og skiptir meira að segja á kúkableyjum.

Konur vinna enn flest húsverkin

Hver gerir svona lagað?

Þetta er nú eitt það hræðilegasta sem ég hef heyrt lengi, hver keyrir niður lítið barn og stingur svo af, maður getur ekki annað en spekúlerað hvað fer í gegn um hugann á svona manneskju.  Vonandi finnst hann sem fyrst, og vonandi gerir hann engum öðrum mein, nú eða þá sjálfum sér (maður veit aldrei).

Kv. Júllan

Lögreglan leitar enn ökumanns

Arrrrgh !!!!!!

Nú fékk ég stórt kast, ég var að halla mér yfir fréttablaðið og lesa eitthvað í morgun þegar dettur svört lítil padda á blaðið, ég náttúrulega stekk til og garga, AAAAAA ertu lús !!  Svo var stokkið til og lúsakamburinn sóttur og kembt upp á líf og dauða, ég Stefanía, Bjarni og litli Birgir vorum öll kembd strax en engin lús fannst, bara ryk og smá flasa. Þvílíkur léttir, en ég ætla samt að kemba Jónas þegar hann kemur heim og svo verða allir kembdir aftur á hverjum degi næst vikuna (engir sénsar teknir hér). Ég er ennþá með hroll við tilhugsunina um að vera með lús og klæjar alls staðar, þetta er eitt það ógeðslegasta sem ég veit um. En ég stoppa þetta um leið og það kemur, ef það kemur.

Kveðja

Júllan

Gleymdi smá tilkynningu

Við tókum eftir því í dag að Bjarni er orðinn hærri en amma sín, ég er að sjálfsögðu löngu bún að missa hann framúr mér í hæð. Drengurinn sprettur eins og gorkúla.

Næturfærsla

Hæ þið

Það sem af er helginni er búið að vera fínt, ég fór í afmæli hjá Sigga frænda á föstudag og hitti helling af ættingjum, alveg ljómandi fínt teiti, snittur, heitir réttir og ávaxtagums í boði og svo auðvitað drykkir, bæði áfengir og óáfengir.

Á laugardag fór ég í bæinn og eyddi deginum hjá mömmu, hitti systir mína og mágkonu (Heiðdísi), svo var allt fullt af börnum líka, mikið fjör. Pöntuðum pizzu og spjölluðum mikið, mamma er alltaf æði.

En af mér er svo sem ekkert mikið að frétta, vinna, sofa og borða, svo reynir maður að sinna öllu hinu á milli.

Bjarni minn gistir nótt hjá vini sínum í Rvík og skemmtir sér eflaust vel.

 Stefanía mín er alltaf jafn mikil prinsessa, er núna með lausa tönn og bíður eftir að hún detti.

 Birgir minn er lítill þverhaus og er að ávinna sér nafnið Bröltólfur, hann getur alls ekki verið kyrr eitt augnablik, hann er að ryðja niður tönnum þessa dagana, komnar 3 tennur á 2 dögum og skapið eftir því, illt í munninum sínum og slefar eins og stór hundur, hann tók smá aríu fyrir mig í kvöld og endaði með að sofna í fanginu á mér meðan ég söng fyrir hann (hann vildi örugglega bara sleppa við sönginn) . Kallinn er í vinnupartýi, kemur sennilega vel hífaður heim, híhí þá geri ég soldið grín að honum.

Á morgun er planið að baka jólasmákökur, við Stefanía ætlum að baka súkkulaðibitakökur (eins gott að baka helling, þær eru svo vinsælar), svo eru auðvitað brúnu augun og einhver ný tegund til að prófa (engar eggjakökur í ár, næ aldrei að gera þær eins góðar og hjá mömmu), ég held ég láti duga að baka 3 sortir þessi jólin svo að ég sitji ekki uppi með helling af afgöngum eftir jólin, kökurnar eru bara borðaðar á aðventunni. Jólaþrifin eru eins og alltaf alveg að fara að gerast en enda yfirleitt með smá rispum hér og þar rétt fyrir jól (mér finnst svo leiðinlegt að þrífa þegar ég hef ekki nógan tíma til að gera það almennilega). Jólagjafir eru komnar vel á veg, bara eftir að kaupa fyrir börnin í familien, 7-8 gjafir, klárast á einum degi í bænum.

2 dagar eftir af reykingum.

En ég ætla að fara að koma mér í svefn svo ég geti bakað á morgun, skrifa meira seinna.

Skjáumst

Kveðja

Júllan